ግራዝማች ሓዱሽ ኑርሑሴን ማያዝያ 1926 ዓ/ም ኣብ ሽረ ፍሉይ ቦታ ዓዲሓኖ ተወሊዶም።
ግራዝማች ሓዱሽ ብዕድመን ብቁመትን ምስዓበዩ ኣብ ዓድዋ ሃይማናታውን ኣካዳሚያውን ትምህርቲ ተማሂሮም። ብድሕሪ እዚ ድማ ናብ ጎንደር ከይዶም ብተሓደ ገፅ ትምህርቶም እንትከታተሉ በቲ ኻሊእ ገፅ ድማ መካየዲ ስራሕ መዋፈሪ መካይን ሓጂ ዓብዱ ኮይኖም ሰሪሖም።
1956 ዓ/ም መካየዲ ስራሕ መዋፈሪ መካይን ሓጂ ዓብዱ ኮይኖም ናብ መቀለ ተቀይሮም መፂኦም።
ግራዝማች ሓዱሽ ምስ ኣመሓዳሪ ትግራይ ዝነበሩ ልኡል ራእሲ መንገሻ ብሙዃን ሰፋሕቲ ናይ ልምዓት ስራሕቲ ሰሪሖም እዮም።
ግራዝማች ሓዱሽ ህዝቢ እንትብደል ምርኣይ ብጣዕሚ ይስመዖም ስለዝነበረ ኣንፃር መንግስቲ ሃይለስላሰ ቃልሲ ንምጅማር 1948 ዓ/ም ምስ ስሑል ኮይኖም ማሕበር ሸውዓተ ዝበሃል ሕቡእ ማሕበር ኣጣይሾም ነይሮም። መንግስቲ ነቲ ምንቅስቃስ ነቂሑ ንንስሑል እንትእሰሩ ተዘሓሒሉ። መሊሶም 1952 ዓ/ም ስሑል ካብ ኡሱር ቤት ምስተፈተሐ ማሕበር ሰለስተ ዝበሃል ሕቡእ ውዳበ ቃልሲ ኣብ መቀለ ኣጣይሾም ቃልሶም ቀፂሎም። በዚ ጥራሕ ጠጠው ከየበሉ ምስ ስሑልን ብርሃነ ኣየለን ተማኺሮም ኣብ ኤርትራ ምስ ዝነበረ መራሒ ውድብ ጀብሃ እድሪስ ዓወተ ኣብ ቀፃሊ ምጅማር ብረታዊ ቃልሲ ህዝቢ ትግራይ ተዛትዮም እዮም።
ግራዝማች ሓድሽ ኣብቲ ካብ 1961 ዓ/ም - 1966ዓ/ም ዝነበረ ምንቅስቃስ ተማሃሮ ንምዕዋት ምስ ስሑል ኮይኖም ኣብ ዩንቨርስቲ ኣዲስ ኣበባ እንዳኣተው ተማሃሮ ንመሰሎም ቃልሶም ከጉሃህሩ የለዓዕሉ ነይሮም።
ህወሓት ደደቢት ቃልሲ እንትትጅምር ስሑል ንግራዝማች ሓዱሽ ኣብ ከተማ ኮይንኩም ሓግዙ ኢሉዎም ንበረኻ እንትወፍር ፈለማ ገንዘብን እኽልን ንጀመርቲ ቃልሲ ኣወፊዮም። ድሓር ድማ ብሬናት ከይተረፈ ኣፅዋራት እንዳዓደጉ ይልእኹ ነይሮም።
1970 ዓ/ም ቀለበት ዝሓዛ ሓንቲ ሓይሊ ህወሓት ኣብ ከተማ ሰለኽለኻ መጥቃዕቲ እንትትፍፅም ግራዝማች ሓዱሽ ናይ ውልቆም መኪና ብተጋደልቲ ህወሓት ተሃጂማ። ግራዝማች ሓዱሽ ፀገም የለን ነቲ ቃልሲ ክትጠቅመኩም እያ ውሰድዋ ኢሎም ፈቂዶም ኣወፊዮማ።
ግራዝማች ሓዱሽ ድሕሪ ዓወት እውን ኣብ ምጥያሽ ትካላት ትእምት ኣበርክቶ ነይሩዎም።
ካብ መለስ ጀሚሩ ክሳብ እቶም ሕዚ ኣብ ማእኸላይ ኮሚቴ ንዘለው ኣመራርሓ ልክዕ ከም ደቆም ብምርኣይ ኣባታዊ ምኽሪ ይልግሱሎም ነይሮም።
ግራዝማች ሓዱሽ ኹላሻዕ ዝደጋግምዋ ቃሎም ኣንቱም ደቅና ትግራይና ኣማዕብልዋ። ትግራይ ካብ ሽርሕታት ሽዋ ነፃ ግበሩዋ ይብሉ ነይሮም።
እዞም ሃርበኛ ልምዓት ወላዲ ደጊም ዕድመይ ደፊአ እየ ጥዕና እውን ኣይግድን ዘለኹ እሞ ዝተረፈት ህይወተይ ንትግራይ እንዳሰራሕኩ ኣብ ትግራይ ዓደይ ክቅበር ምእንቲ ኢሎም ናብራ ኣዲስ ኣበባ ገዲፎም ኣብ ሽረ እዮም ዝነበሩ ነይሮም።
ግራዝማች ሓዱሽ ንርእሶም ለጋስ ኮይኖም ካብ ኣፎም ንሰብ ኣቀዲሞም እንትህቡ ብተደጋጋሚ ሓሚሞ መሐከሚ ስኢኖም ተሸጊሮም እዮም። ካሊእ ይትረፍ ናይታ ዘወፈኽዋ መኪና ቁሩብ ሃቡኒ ንመሐከምን ንልምዓት ትግራይ ከወፊ ኢሎም ንኣባይ ወልዱ፣ ኣለም ገ/ዋህድ፣ ጀነራል ሳሞራ ካልኦት ላዕለዎት ኣመራርሓን ከም ዝሓተቱ ናይ ዓይኒ መሰኻኽርን ሰነዳዊ ፅሑፍ ደብዳበን ኣለና።
ግራዝማች ሓዱሽ ኑርሑሴን ትማሊ 19 ነሓሰ 2012 ዓ/ም ካብዛ ዓለም ብሞት ተፈልዮም ኣለዉ።
ሙሉእ ታሪኽን ቃልሲ ኣብ ልምዓት ኣብ ሃይማኖታዊ ምንቅስቃስ ከይተረፈ ግራዝማች ሓዱሽ ካብ ቃሎም ብፁሑፍን ኦዲዮን እውን ኣረኪቦምኒ እዮም።
እቲ ዘሕዝነኒ ድማ መቃብር ስሑል ካብ ሓመድ ናብ ስሚንቶ ቀይርኩም ብህይወት እንዳሃለኹ ኣርእዩኒ ዝበሉና ቃል ዘይምፍፃምና እዩ። ኣቦ ፈጣሪ ይቀበልኩም
This is an old lodge built probably in the 1960s Geez Calendar by the visionary man of deeds Raesi #Seyoum #Mengesha, the then governor of Tigrai.
The buildings constructed to reflect the exact housing style of typical Tigrai architecture with a grand vision of serving as a lodge to tourists visiting #Gheralta and surrounding.
